యూపీఐపై ఫోన్‌పే సీఈవో కీలక ప్రకటన.. భారతీయ యూజర్లకు సేవలు ఎప్పటికీ ఉచితమే

ఆగస్టు 8, 2026 | నిజం న్యూస్

న్యూఢిల్లీ: భారతీయ వినియోగదారులకు యూపీఐ (Unified Payments Interface) సేవలు ఎప్పటికీ ఉచితంగానే కొనసాగుతాయని ఫోన్‌పే సీఈవో సమీర్ నిగమ్ స్పష్టం చేశారు. యూపీఐ లావాదేవీల కోసం భారతీయ యూజర్ల నుంచి ఎలాంటి ఛార్జీలు వసూలు చేయబోమని ఆయన పేర్కొన్నారు.

యూపీఐ చెల్లింపులపై రుసుములు విధించే అంశంపై ఇటీవల చర్చ జరుగుతున్న నేపథ్యంలో సమీర్ నిగమ్ చేసిన ప్రకటన ప్రాధాన్యత సంతరించుకుంది. వినియోగదారులు యూపీఐ ద్వారా చెల్లింపులు చేయడానికి అదనంగా ఎలాంటి రుసుము చెల్లించాల్సిన అవసరం ఉండదని ఆయన స్పష్టం చేశారు.

ముఖ్యంగా P2P (Person-to-Person) చెల్లింపులపై ఎలాంటి ఛార్జీలు ఉండవని ఆయన తెలిపారు. అంటే ఒక వ్యక్తి నుంచి మరో వ్యక్తికి యూపీఐ ద్వారా డబ్బు పంపే లావాదేవీలు ఉచితంగానే కొనసాగనున్నాయి.

భారతదేశంలో డిజిటల్ చెల్లింపుల విస్తరణలో యూపీఐ కీలక పాత్ర పోషిస్తోంది. చిన్న వ్యాపారులు, కిరాణా దుకాణాల నుంచి పెద్ద సంస్థల వరకు యూపీఐ చెల్లింపులను విస్తృతంగా స్వీకరిస్తున్నారు. రోజువారీ చెల్లింపుల్లో యూపీఐ వినియోగం పెరుగుతున్న నేపథ్యంలో సేవలను వినియోగదారులకు ఉచితంగా కొనసాగించాలనే ఫోన్‌పే వైఖరి ప్రాధాన్యత సంతరించుకుంది.

యూపీఐ చెల్లింపులపై ఛార్జీలు విధిస్తారనే ఆందోళనల నేపథ్యంలో ఫోన్‌పే సీఈవో చేసిన ఈ స్పష్టీకరణ వినియోగదారులకు ఊరటనిచ్చే అంశంగా మారింది.

_శ్రీనివాస్ నాయక్

స్టేట్ బ్యూరో

నిజం న్యూస్