Telangana government: డిజిటల్ పద్ధతిలో 2027 జనాభా లెక్కల సేకరణ

తెలంగాణ రాష్ట్ర ప్రభుత్వం 2027 జనాభా లెక్కల సేకరణకు సన్నాహాలను ప్రారంభించింది, ఇది రాష్ట్రంలో నిర్వహించబడుతున్న మొట్టమొదటి పూర్తి డిజిటల్ జనాభా లెక్కలు.

సోమవారం సచివాలయంలో రాష్ట్ర స్థాయి జనాభా లెక్కల సమన్వయ కమిటీ (SLCCC) సమావేశానికి ప్రధాన కార్యదర్శి కె. రామకృష్ణారావు అధ్యక్షత వహించారు. ఈ సమావేశంలో  జనాభా లెక్కల సేకరణ ప్రక్రియ సజావుగా సాగేలా చూసేందుకు పరిపాలనా, లాజిస్టికల్, కార్యాచరణ ఏర్పాట్లకు సంబంధించిన అంశాలను సమీక్షించారు.

జిల్లా స్థాయిలో సంసిద్ధతలో భాగంగా, సమయపాలన, బాధ్యతలు, కార్యాచరణ ప్రణాళిక గురించి  అవగాహన కల్పించడానికి త్వరలో జిల్లా కలెక్టర్ల సమావేశం ఏర్పాటు చేయనున్నారు.

2027 జనాభా లెక్కల విజయవంతమైన అమలుకు బలమైన అంతర్-విభాగ సమన్వయం,  సకాలంలో నిర్ణయం తీసుకోవడం చాలా కీలకమని ప్రధాన కార్యదర్శి అన్నారు.

 మొదటి దశలో పాల్గొననున్న 90,000 మంది ప్రభుత్వ ఉద్యోగులు…

డిజిటల్ పద్ధతిలో జనాభా గణనను నిర్వహిస్తామని మురికివాడ, నివాసం లేదా మారుమూల స్థావరంలలో కూడా  చూసుకోవాలని అధికారులకు ఆదేశాలు జారీ చేశారు.  ప్రక్రియ అంతా విజయవంతంగా జరిగేలా సిబ్బందికి ప్రత్యేక శిక్షణ ఇవ్వనున్నామని ప్రధాన కార్యదర్శి చెప్పారు.

మొదటి దశలో సుమారు 90,000 మంది ప్రభుత్వ ఉద్యోగులు  ఈ జనాభా లెక్కల్లో పాల్గొననున్నారని వారిలో ప్రధానంగా  ఉపాధ్యాయులు, ఇతర ప్రభుత్వ సిబ్బందిని పాల్గొంటారని తెలిపారు.