రూ.2 లక్షల లంచం తీసుకుంటూ ఎసీబీకి చిక్కిన ఎక్సైజ్ ఇన్స్పెక్టర్..!
ఫిర్యాదుదారునిపై ఒత్తిడి చేయకుండా, గ్రామాల్లో ఉన్న తాటి కళ్ల దుకాణాలను మార్చాలని ఒత్తిడి చేయకపోవడం, అలాగే మరిన్ని కేసులు నమోదు చేయకుండా ఉండేందుకు ఈ లంచం తీసుకున్నట్లు విచారణలో వెల్లడైంది.
బిచ్కుండా అధికారి అరెస్ట్
కామారెడ్డి జిల్లా:
కామారెడ్డి జిల్లా బిచ్కుండా మండలంలో విధులు నిర్వహిస్తున్న ప్రొహిబిషన్ & ఎక్సైజ్ ఇన్స్పెక్టర్ దీను సత్యనారాయణ లంచం తీసుకుంటూ యాంటీ కరప్షన్ బ్యూరో (ACB) అధికారులకు రెడ్హ్యాండెడ్గా చిక్కాడు.
2026 ఏప్రిల్ 17న, అధికారిక అనుకూలం కల్పించేందుకు ఫిర్యాదుదారుని నుంచి రూ.2,00,000 లంచం డిమాండ్ చేసి స్వీకరిస్తుండగా, బిచ్కుండాలోని తన అద్దె ఇంట్లోనే ఎసీబీ అధికారులు పట్టుకున్నారు.
ఫిర్యాదుదారునిపై ఒత్తిడి చేయకుండా, గ్రామాల్లో ఉన్న తాటి కళ్ల దుకాణాలను మార్చాలని ఒత్తిడి చేయకపోవడం, అలాగే మరిన్ని కేసులు నమోదు చేయకుండా ఉండేందుకు ఈ లంచం తీసుకున్నట్లు విచారణలో వెల్లడైంది.
అదనంగా, అధికారికి చెందిన బ్యాగులో లెక్కలు చూపించని రూ.45,760 నగదు కూడా ఎసీబీ అధికారులు స్వాధీనం చేసుకున్నారు.
ఈ చర్యల ద్వారా ప్రజా విధులను అవినీతిగా, అనుచితంగా నిర్వహించినందుకు సంబంధిత అధికారిని అరెస్ట్ చేసి, నాంపల్లి ప్రత్యేక న్యాయస్థానంలో హాజరుపరచనున్నట్లు ఎసీబీ అధికారులు తెలిపారు. ప్రస్తుతం ఈ కేసు పై విచారణ కొనసాగుతోంది.
ప్రజలకు సూచన:
ప్రభుత్వ ఉద్యోగులు ఎవరైనా లంచం డిమాండ్ చేసినట్లయితే వెంటనే టోల్ ఫ్రీ నెంబర్ 1064కు ఫిర్యాదు చేయాలని యాంటీ కరప్షన్ బ్యూరో అధికారులు ప్రజలకు సూచించారు. ఫిర్యాదుదారుల వివరాలు గోప్యంగా ఉంచబడతాయని తెలిపారు.
శ్రీనివాస్ నాయక్, స్టేట్ బ్యూరో
