పిచ్చికుక్క దాడిలో మేకల కాపరికి తీవ్ర గాయాలు

గ్రామస్తులు తెలిపిన వివరాల ప్రకారం.. రాజుర గ్రామానికి చెందిన భూమన్న మేకల కాపరిగా జీవనం సాగిస్తున్నాడు. ఈ క్రమంలో ఆదివారం రాత్రి మేకల మంద వద్ద కాపలాగా బయట నిద్రిస్తుండగా, ఒక్కసారిగా వచ్చిన పిచ్చికుక్క భూమన్నపై పడి విచక్షణారహితంగా కరిచింది.
​బాధితుడి అరుపులు విన్న స్థానికులు వెంటనే 108 అత్యవసర వాహనానికి సమాచారం అందించారు. వాహన సిబ్బంది ప్రమోద్, గోపిలు తక్షణమే స్పందించి బాధితుడికి ప్రాథమిక చికిత్స అందించారు. అనంతరం సోమవారం తెల్లవారుజామున 3 గంటల ప్రాంతంలో మెరుగైన వైద్యం నిమిత్తం నిర్మల్ ప్రాంతీయ ఆసుపత్రికి తరలించారు. ప్రస్తుతం బాధితుడు ఆసుపత్రిలో చికిత్స పొందుతున్నాడు. గ్రామాల్లో కుక్కల సంచారం పెరిగిపోవడంతో ప్రజలు భయాందోళన వ్యక్తం చేస్తున్నారు.