విద్యాసంస్థల వాహనానికి ఫిట్‌నెస్ సర్టిఫికెట్ ఉండాలి
– – – జిల్లా ఎస్పీ శ్రీ ఎగ్గడి భాస్కర్
జగిత్యాల జూన్ 13(నిజం చెపుతాం )
రాష్ట్ర ప్రభుత్వ ఆదేశాల మేరకు తెలంగాణలో పాఠశాలలో ప్రారంభమైన సందర్భంగా స్కూల్ బస్సుకు ఎలాంటి ప్రమాదాలకు జరుగకుండా తీసుకోవాల్సిన జాగ్రత్తలపై డ్రైవర్లకు జిల్లా పోలీస్ ప్రదాన కార్యలయం ట్రాఫిక్, రోడ్ సేఫ్టీ పై అవగాహన సదస్సు నిర్వహించడం జరిగింది. ఈ కార్యక్రమానికి ముఖ్యఅతిథిగా జిల్లా ఎస్పీ శ్రీ ఎగ్గడి భాస్కర్ హాజరు కావడం జరిగింది
ఈ సందర్భంగా ఎస్పీ మాట్లాడుతూ ఈ మద్య కాలంలో జరుగుతున్న రోడ్డు ప్రమాదాల దృష్ట్వా ముఖ్యంగా స్కూల్ బస్సులకు సంబంధించి బయట జరుగుతున్న ప్రమాదాల దృష్ట్యా స్కూల్స్ బస్ డ్రైవర్స్ కి ట్రాఫిక్ మరియు రోడ్ సేఫ్టీ పై అవగాహన ఉండాలని ఉద్దేశంతో ఈ కార్యక్రమాన్ని నిర్వహించడం జరిగిందని అన్నరు.
ఇది కూడా చదవండి….మహిళల పై వేధింపులు నివారించేందుకే షీ టీమ్స్
రోడ్డు ప్రమాదాలలో డ్రైవర్ల నిర్లక్ష్యం మరియు అతివేగంగా నడపడం వల్లనే ప్రమాదాలు జరుగుతున్నాయని అన్నారు. స్కూల్స్ బస్ ల కి సంబంధించి అన్ని వాహన పత్రాలు కల్గివుండాలని, బస్సు సరైన కండిషన్ లో ఉందో లేదో ముందే జాగ్రత్తపడాలని, వర్షాకాలంలో డ్రైవర్ అప్రమత్తంగా లేకపోతే రోడ్డు ప్రమాదాలు జరిగే అవకాశం ఉంది అని అన్నారు.
స్కూల్ బస్సుల్లో ప్రయాణించే వారిలో చాలా మంది చిన్న పిల్లలే ఉంటారు కాబట్టి వారి పట్ల చాలా జాగ్రత్త వహించాలని సూచించారు. స్కూల్ వాహనాలకు ఎలాంటి చిన్న ప్రమాదం జరిగిన సంబంధిత డ్రైవరు, యాజమాన్యం పై కఠినంగా వ్యవహరిస్తాం అన్నారు.
పిల్లలని స్కూల్ కి తీసుకొని వచ్చేటప్పుడు, ఇంటికి తీసుకొని వెళ్లే క్రమంలో బస్సు హెల్పర్ వెనుక, ముందు చూసుకొన్నాకనే వారిని దించాలి, పిల్లలు రోడ్డు దాటవలసివస్తే హెల్పర్ తప్పక దాటించాలని సూచించారు.
వర్షా కాలంలో బస్సు బ్రేక్, లైట్స్, ఇండికేటర్స్, పార్కింగ్ లైట్స్ మరియు వైపర్స్ పనిచేస్తున్నాయో లేదో చెక్ చూసుకోవాలని సూచించారు. మద్యం తాగి ఎట్టి పరిస్థితుల్లోనూ డ్రైవ్ చేయకూడదని సూచించారు. ఎన్నో కుటుంబాలు బస్సు డ్రైవర్ల మీద చాలా నమ్మకంతో తమ తమ పిల్లలని స్కూల్స్ కి బస్సుల్లో పంపిస్తున్నారని వారి నమ్మకాన్ని వమ్ము చేయొద్దని ఈ సంధర్బంగా తెలియజేశారు.
ఎవరైనా ట్రాఫిక్ నియమనిబంధనలు పాటించక పోతే వారిపై చట్టపరమైన చర్యలు చేసుకోవడం జరుగుతుందని తెలిపారు. జిల్లా లో నిబంధనలు పాటించని స్కూల్ బస్సులపై పోలీస్ , ఆర్టీఏ అధికారులు స్పెషల్ డ్రైవ్ నిర్వహిస్తూ నిబంధనలు పాటించని బస్సులను సీజ్ చేయడం జరుగుతుందని అదేవిధంగా ఫిట్‌నెస్ లేని స్కూల్ బస్సులపై కేసులు నమోదు చేయాలని అధికారులను ఆదేశించారు.