Welcome To Nijam News Portal, Which Provides Latest News In Telugu, Breaking News Alerts in Telugu Language at nijamnews.in

ఎన్‌కౌంటర్‌ లో గ్యాంగ్‌స్టర్‌ అసద్‌, గులాం హతం

యూపి ఝాన్సీ లో భారీ ఎన్‌కౌంటర్‌
కిరాతక గ్యాంగ్‌స్టర్‌ అసద్‌, అనుచరుడు గులాం హతం
లక్నో,ఏప్రిల్‌13: ఉత్తరప్రదేశ్‌ ఝాన్సీలో జరిగిన ఎన్‌కౌంటర్‌లో గ్యాంగ్‌స్టర్‌ అతీఖ్‌ అహ్మద్‌ కుమారుడు అసద్‌, అతడి సహచరుడు గులాం హతమయ్యారు. వీరిద్దరూ ఉమేశ్‌పాల్‌ హత్యకేసులో నిందితులు. వీరిద్దరి తలపై ఐదు లక్షల రూపాయల రివార్డ్‌ కూడా ఉంది.

ఉమేశ్‌ పాల్‌ హత్య సమయంలో కాల్పులు జరుపుతున్న వీడియోలో అసద్‌ కూడా ఉన్నారు. ఉమేశ్‌ పాల్‌ హత్య తర్వాత అసద్‌, గులాం లక్నో పారిపోయారు. ఆ తర్వాత కాన్పూర్‌కు, విూరట్‌కు, ఢల్లీికి వెళ్లినట్లు కూడా తెలిసింది. మధ్యప్రదేశ్‌కు వెళ్లాలని నిర్ణయించుకున్నారు.

ఝాన్సీ బోర్డర్‌ వద్ద పోలీసులు తమను గుర్తించినట్లుగా అనుమానించిన వీరిద్దరూ బైక్‌పై పారిపోతూ ఎన్‌కౌంటర్‌ అయ్యారు. ఇద్దరు డీఎస్పీ ర్యాంక్‌ అధికారులతో పాటు మొత్తం 12 మంది పోలీసులు ఈ ఆపరేషన్‌లో పాల్గొన్నారు. నిందితులపై మొత్తం 42 రౌండ్ల బుల్లెట్లు కాల్చినట్లు తెలిసింది.

ALSO READ: డయ్యర్‌ను చంపిన నిజమైన దేభభక్తుడు… ఉద్దం సింగ్‌

ఉమేశ్‌ పాల్‌ హత్య కేసులో అతీఖ్‌ అహ్మద్‌ను, అతడి సోదరుడు అష్రఫ్‌ను పోలీసులు ప్రయాగ్‌రాజ్‌ ఎంపీ, ఎమ్మెల్యేల న్యాయస్థానంలో ప్రవేశపెట్టిన రోజే ఈ ఎన్‌కౌంటర్‌ జరిగింది.

వాస్తవానికి గుజరాత్‌ సబర్మతీ జైలు నుంచి అతీఖ్‌ అహ్మద్‌ను, అతడి సోదరుడు అష్రఫ్‌ను రోడ్డు మార్గం గుండా ప్రయాగ్‌రాజ్‌కు తీసుకువచ్చారు. 2005లో జరిగిన బీఎస్పీ ఎమ్మెల్యే రాజు పాల్‌ హత్య కేసులో ఉమేశ్‌ పాల్‌ సాక్షి. న్యాయవాది కూడా. ఆయన్ను ప్రయాగ్‌రాజ్‌లో ఇంటివద్దే ఈ ఏడాది ఫిబ్రవరి 12న పట్టపగలు కాల్చి చంపారు.

ఉమేశ్‌ పాల్‌కు రక్షణగా ఉన్న సిబ్బంది కూడా నాటి కాల్పుల్లో చనిపోయారు. కాల్పులు జరుపుతున్న వీడియోలో అతీఖ్‌ అహ్మద్‌ కుమారుడు అసద్‌ స్పష్టంగా కనిపించారు. నాడు పగటివేళ జరిగిన ఉమేశ్‌ పాల్‌ హత్యోదంతంతో ప్రభుత్వంపై ప్రతిపక్షాలు విమర్శలు చేశాయి.

యూపీలో శాంతిభద్రతలు లోపించాయని ఆరోపించాయి. ఘటన జరిగిన నాటినుంచీ పోలీసులు కాల్పులు జరిపి పరారైన అసద్‌, గులాం కోసం వెతికారు. చివరకు నిందితులిద్దరూ ఎన్‌కౌంటర్‌లో హతమయ్యారు. ఎమ్మెల్యేగా ఐదుసార్లు, సమాజ్‌వాదీ పార్టీ తరపున ఒకసారి ఎంపీగా కూడా గెలిచిన అతిఖ్‌ అహ్మద్‌పై వందకు పైగా కేసులున్నాయి.

2005లో బీఎస్పీ ఎమ్మెల్యే రాజుపాల్‌ హత్య కేసుతో పాటు ఇటీవల జరిగిన మరో ఘటనతోనూ అతీఖ్‌కు సంబంధాలున్నాయి. తన తమ్ముడిని ఓడిరచాడనే కసితో ఎమ్మెల్యేగా ఎన్నికైన రాజు పాల్‌ను 3 నెలలకే చంపేశాడు.

అప్పటికి రాజు పాల్‌కు వివాహమై 9 రోజులు మాత్రమే. నాడు రాజు పాల్‌ హత్య కేసులో సాక్షిగా ఉన్న ఉమేశ్‌పాల్‌ను కిడ్నాప్‌ చేసి హతమార్చిన కేసులో అతీఖ్‌ అతడి సోదరుడు ప్రస్తుతం ప్రయాగ్‌రాజ్‌ ఎంపీ, ఎమ్మెల్యేల న్యాయస్థానంలో హాజరౌతున్నారు.

మరోవైపు ఎన్‌కౌంటర్‌లో చనిపోయిన అసద్‌, గులాం మృతదేహాలను పోలీసులు ఝాన్సీ మెడికల్‌ కాలేజ్‌కు తరలించారు.ఎన్‌కౌంటర్‌ అనంతరం శాంతి భద్రతల పరిస్థితిపై ముఖ్యమంత్రి యోగి ఆదిత్యనాథ్‌ పోలీస్‌ ఉన్నతాధికారులతో సమావేశమయ్యారు. ఆపరేషన్‌లో పాల్గొన్న పోలీసులను అభినందించారు.