గేమ్‌ ఛేంజర్‌ పాటల కోసమే రూ.50 కోట్లు
గేమ్‌ ఛేంజర్‌ పాటల కోసం భారీగా ఖర్చు
రిచ్‌నెస్‌ కోసం శకర్‌ ప్రయత్నం
శంకర్‌ సినిమాలంటే ముఖ్యంగా గుర్తుకొచ్చేది గ్రాండ్‌నెస్‌. ఈయన సినిమాల్లో ప్రతీ సీన్‌, ప్రతీ ఫ్రేమ్‌ రిచ్‌గానే కనిపిస్తుంది. బడ్జెట్‌ ఎంతైనా సరే శంకర్‌ అనుకున్న అవుట్‌పుట్‌ వచ్చేంతవరకు అస్సలు కాంప్రమైజ్‌ కాడు.
ముఖ్యంగా పాటల చిత్రీకరణ విషయంలో శంకర్‌ అస్సలు తగ్గడు. అందుకే ఆయన సినిమాల్లోని పాటలు స్క్రీన్‌పై అంత అద్భుతంగా కనిపిస్తాయి. కేవలం ఈయన సినిమాల్లోని పాటలు చూడటానికే రిపీటెడ్‌గా థియేటర్‌లకు వెళ్ళిన ప్రేక్షకులున్నారు. నిర్మాత పెట్టిన ప్రతి రూపాయి స్క్రీన్‌పైన కనిపిస్తుంది.
ALSO READ: సస్పెన్స్‌ థ్రిల్లర్‌ గా అసలు
గేమ్‌ చేంజర్‌ సినిమాలో మొత్తం 5 పాటలుండనున్నాయట. కాగా ప్రతీ పాట కోసం దాదాపు రూ.10 కోట్లు ఖర్చయ్యాయట. ఈ లెక్కన చూసుకుంటే కేవలం పాటల కోసమే దిల్‌రాజు రూ.50 కోట్లు వెచ్చించాడట.
అయితే దిల్‌రాజు ఖర్చు చేసిన ప్రతీ రూపాయి వర్తే అవుతుందని పలువురు నెటీజన్లు అభిప్రాయం వ్యక్తం చేస్తున్నారు. పొలిటికల్‌ థ్రిల్లర్‌ నేపథ్యంలో తెరకెక్కుతున్న ఈ సినిమాలో రామ్‌ చరణ్‌ ద్విపాత్రాభినయం చేస్తున్నాడు. ఇప్పటికే లీకైన్‌ పోస్టర్‌లు ప్రేక్షకులలో విపరీతమైన క్యూరియాసిటీ నెలకొల్పాయి.
ఇక ఇటీవలే మేకర్స్‌ రిలీజ్‌ చేసిన చరణ్‌ యంగేజ్‌ లుక్‌కు విశేష స్పందన వచ్చింది. ప్రస్తుతం శరవేగంగా షూటింగ్‌ జరుపుకుంటున్న ఈ సినిమా వచ్చే ఏడాది సమ్మర్‌లో ప్రేక్షకులు ముందుకు రానుంది.
చరణ్‌కు జోడీగా కియారా అద్వాణి, అంజలిలు నటిస్తున్నారు. తమిళ దర్శకుడు కార్తిక్‌ సుబ్బరాజు ఈ సినిమాకు కథను అందించాడు. థమన్‌ సంగీతం అందిస్తున్న ఈ సినిమాను శ్రీ వెంకటేశ్వరా క్రియేషన్స్‌ పతాకంపై దిల్‌రాజు అత్యంత భారీ బ్జడెట్‌తో ఈ సినిమాను నిర్మిస్తున్నాడు.