గర్భిణీ స్త్రీల పట్ల కాంబ్లేసాహెబ్ రావు సేవలు బేష్

ముఖ్యమంత్రి కెసిఆర్ అతని సేవలను గుర్తించి, సహాయ సహకారాలు అందించాల నీ, ప్రజల వేడుకోలు.

హైదరాబాద్ సెప్టెంబర్ 2 నిజం న్యూస్

నిర్మల్​ జిల్లా భైంసాలోని  పిప్రీ కాలనీలో ఉంటాడు కాంబ్లే సాహెబ్ ​రావు. తాపీ పని చేసే వాళ్ల నాన్న  రాందాస్​. వయసు మీద పడటంతో కొన్నేండ్ల నుంచి ఇంటికే పరిమితమయ్యాడు. దాంతో తల్లి నాగమణి బీడీలు చుడుతూ సాహెబ్​రావుతో పాటు, మిగితా ఇద్దరు పిల్లల బాధ్యతని భుజానికెత్తుకుంది. కానీ, రానురాను ఆర్థిక ఇబ్బందులు పెరగడంతో ఇంటర్​తోనే చదువు ఆపేశాడు సాహెబ్​.

 

తల్లికి చేదోడుగా ఉండాలని ఆటో నడపడం మొదలుపెట్టాడు. కానీ, తన ఫ్రెండ్​ కూతురుకి ఎదురైన ఓ సమస్య అతన్ని ఆలోచింపజేసింది. గర్భిణీల కోసంఫ్రీఆటోసర్వీసమొదలుపెట్టించింది.

ఏడాది కిందట సాహెబ్​ ఫ్రెండ్​కి కూతురు పుట్టింది. కానీ, ఆ సంతోషం ఎంతో సేపు నిలవలేదు వాళ్లకి. పుట్టిన కొద్దిరోజులకే పాప ఆరోగ్యం బాగా పాడైంది. హాస్పిటల్​కి వెళ్లడం ఆలస్యం కావడంతో ఆ చిన్నారి చనిపోయింది. ఆ సంఘటన​ తర్వాత చాలా రోజులు నిద్రపట్టలేదు సాహెబ్​కి

 

అప్పుడే ఆ పాప పరిస్థితి మరొకరికి రాకూడదు అనుకున్నాడు.

 

బాలింతలతో పాటు ,గర్భిణీలను టైంకి హాస్పిటల్​కి చేర్చడానికి ఫ్రీ ఆటో సర్వీస్​ మొదలుపెట్టాడు. సాయం కావాలని ఎన్ని మైళ్ల దూరం నుంచి ఫోన్​ వచ్చినా రాత్రిపగలు, వారాలతో పనిలేకుండా వెళ్తున్నాడు. వాళ్లని హాస్పిటల్​కి చేర్చడమే కాదు.. ట్రీట్మెంట్​ పూర్తయ్యాక మళ్లీ తన ఆటోలోనే ఇంట్లో దిగబెడుతున్నాడు. ఆడపిల్ల పుడితే పుట్టిన తేదీ నుంచి ఆరు నెలల వరకు ఫ్రీగా తన ఆటోలోనే చెకప్​కి తీసుకెళ్తున్నాడు.ఇలా గడిచిన ఎనిమిది నెలల నుంచి  వందల మందికి సాయం చేశాడు సాహెబ్​. ఈ పనిలో అతని కుటుంబం కూడా అండగా నిలుస్తోంది.

ఈ సంఘటన మాధ్యమాల్లో వైరల్ కావడం గమనార్హం.

ఏది ఏమైనా ముఖ్యమంత్రి కేసీఆర్, స్థానిక ప్రజాప్రతినిధులు సహకారంతో ఆ కుటుంబానికి అండగా నిలవాలని అతను చేస్తున్న సేవలను గుర్తించి ప్రతి ఒక్కరు హ్యాట్సాఫ్ చెప్పాల్సిందే సుమ…